المساعد الشخصي الرقمي

مشاهدة النسخة كاملة : تجمع المغتربات بريطانيا خاصا وجميع الدول



سحابه صيف
12-02-2010, 02:05 PM
اخواتي اليوم حابه نتجمعو في هل مكان ونتعاونو جميع في غربتنا يعني انساعدو بعض في حاجات الي معرفنهاش في الاسواق وين تتواجد وفي عناوين اماكن الترفيه واسواق الحلال والاطعمه الحلال الي انكونو متاكدين منها
وكل حاجة صادفتنا ومعرفنهاش او ماقيناهاش في غربة
وطبعا منبوش ننسو مواسم التخفيضات عاد ههههههه
ان شاء الله نلقو تفاعل ونعاونو بعض
في اول نبو كل وحدة اتخش واتكون وين مغنربه وفي اين مدينه

نبدي بروحي
انا في بريضانيا ومدينة لندن

kittygago
12-02-2010, 02:39 PM
اني في ليبيا و من مدينة طرابلس

kittygago
12-02-2010, 02:40 PM
معليش وحدة قصقاصة خشت عليكم و تبي تتعلم منكم


اني كنت من فترة في بريطانيا

و ديما نتردد عليها

فا ممكن نفيدكم

يعني لو رحبتي بيا يا سحابه

سحابه صيف
12-02-2010, 02:43 PM
معليش وحدة قصقاصة خشت عليكم و تبي تتعلم منكم


اني كنت من فترة في بريطانيا

و ديما نتردد عليها

فا ممكن نفيدكم

يعني لو رحبتي بيا يا سحابه



لالالالالالالالالا منقوليش لو انت الغالية وادللي نفيدوك وتفيدينا ان شاء الله
انت كنتي في بريضانيا سياحة ولا دراسة ووين كنتى معليشي الفضول ديما غالبني

kittygago
12-02-2010, 03:16 PM
اول مرة كانت دراسة في مانشستر

و بعدين سياحة و عمل ... و كان أغلبها في لندن

لكن مشيت لعدة مدن كسياحة

مثل بكستون و بلاك بول و يورك و برتسماوث و جهة البحيرات نسيت المقاطعة شن اسمها

سحابه صيف
12-02-2010, 03:19 PM
اول مرة كانت دراسة في مانشستر

و بعدين سياحة و عمل ... و كان أغلبها في لندن

لكن مشيت لعدة مدن كسياحة

مثل بكستون و بلاك بول و يورك و برتسماوث و جهة البحيرات نسيت المقاطعة شن اسمها



مشاء الله قريب لوتي البلاد كلها هههههههههه

حتي انا باهي امشيت لبعض المدن ولهي قلاقكسو و ادنبرا وبورمنت وبول وهل هدرسفيلد وتوة قاعدة في لندن

الساجدة لله
12-02-2010, 06:18 PM
انا ليبية وعايشة في طرابلس وبريطانيا ماشيتلها من فترة طويلة وتوا لما ننزل ترنزيت ننزل في لندن انا دخلت اهني نسلم عليكم

ابريكه
12-02-2010, 07:46 PM
كيف حالكم
موضوع حلو سحابة
اني في امريكا
والسكن بسبها بليبيا
نتشرف بمعرفة الجميع

سحابه صيف
12-02-2010, 08:01 PM
انا ليبية وعايشة في طرابلس وبريطانيا ماشيتلها من فترة طويلة وتوا لما ننزل ترنزيت ننزل في لندن انا دخلت اهني نسلم عليكم

انستينا اهلين بيك بين احبابك

سحابه صيف
12-02-2010, 08:02 PM
كيف حالكم
موضوع حلو سحابة
اني في امريكا
والسكن بسبها بليبيا
نتشرف بمعرفة الجميع

اهلين بيك ابريكا شني جوكم في امريكا وشني عندكم الاسعار بصفه عامة كويسة

زينب محمد
12-02-2010, 08:04 PM
السلام عليكم و رحمة الله و بركاته

مساء الخير ياحلوات

مبروك عليكم الدويرة الجديدة

ان شاء الله عامرة بذكر الرحمن

[فقط الأعضاء المسجلين يمكنهم رؤية الروابط]

سحابه صيف
12-02-2010, 11:32 PM
السلام عليكم و رحمة الله و بركاته

مساء الخير ياحلوات

مبروك عليكم الدويرة الجديدة

ان شاء الله عامرة بذكر الرحمن

[فقط الأعضاء المسجلين يمكنهم رؤية الروابط]

انستي وشرفتي ونورتي الموضوع وبارك الله فيك علي الباقة الورد يا ورده

السمحة
12-03-2010, 12:41 AM
اهلا اخواتى
انشاءالله كل وحدة ترد لليبيا سالمة غانمة يارب

سحابه صيف
12-03-2010, 12:50 AM
اهلا اخواتى
انشاءالله كل وحدة ترد لليبيا سالمة غانمة يارب

اااااااااااامين يا رب العالمين

سحابه صيف
12-04-2010, 04:06 PM
شكلي مغتربة بروحي هنا ههههههههههههههههه

ranaa
12-05-2010, 01:20 AM
مرحبا اني رنا من ليبيا وبالتحديد بنغازي ومغتربه في لندن

سحابه صيف
12-05-2010, 01:34 AM
مرحبا اني رنا من ليبيا وبالتحديد بنغازي ومغتربه في لندن

اهلين بيك حبوبة انستينا وانا سحابة حتي انا من ليبيا وفي لندن اتشرفنا بيك يا غالية

ranaa
12-05-2010, 01:39 AM
مرحب بيك

سحابه صيف
12-05-2010, 01:56 AM
مرحب بيك

قوليلي انت تقري ولا سياحة ولا عمل معليشي بنقصقص شوية

بنقول يعلي روحي باش نتعرفو اكتر
انا جاية هنا راجلي دراسة وعندي بنتين وليا سنتين هنا في لندن

ranaa
12-05-2010, 02:14 AM
اني مقيمه لان زوجي من مواليد بريطانيا

أم إيناس3
12-05-2010, 03:22 PM
انى ليبية من طرابلس مغتربة فى المغرب فى مدينة الرباط زوجى يشتغل وعندى بنتين واحدة اولى جامعة والثانية ثانية ثانوى

ابريكه
12-05-2010, 08:20 PM
اخواتي المغتربات ببريطانيا
عندي ولد خوي في مانشتر ويبي رب
قالي مالقيتة
ممكن تقولولي وين يلقاة
اني قلتة بالمحلات العربية مكتوب علية دبس التمر
فاذا ممكن تفيدوني

سحابه صيف
12-05-2010, 11:46 PM
اخواتي المغتربات ببريطانيا
عندي ولد خوي في مانشتر ويبي رب
قالي مالقيتة
ممكن تقولولي وين يلقاة
اني قلتة بالمحلات العربية مكتوب علية دبس التمر
فاذا ممكن تفيدوني

جبيبتي حتي انا علي فدما دورته ملقيتاش لكن قالولي في محلات العرب موجود وحتي في سوق asda قالو موجود لكن انا علي قدما دورت ملقيتش
وكان حصلته توة انبلغك

شكلها مرت خوك جابت ههههههه

ranaa
12-06-2010, 02:09 AM
السلام عليكم اختي ابريكه كيف الحال اني نشرى من محلات الاتراك اومحلات الافغان او اي محلات العرب متوفر يبيعوا حكته كيف حكة الطماطم الكبيرة اوفازو زجاج وفي نوعين اني ناخذ امتاع التمر واي سؤال تفضلي

ابريكه
12-06-2010, 07:41 AM
سحابة عطك السلامة ولد خوووووووووووووووووي مش مرأة خوي
هههههههههههههههههههههههه
يقراء غادي علي حسابة الشخصي وخاطرة في عصيدة الرب
صحيتي ماقصرتي وان شاء الله نخبرة بارك الله فيك
رنا
بارك الله فيك كفيتي ووفيتي
الله يجزيك الخير انتي وسحوبة

سحابه صيف
12-06-2010, 12:56 PM
ههههههه نسحاب مرته جابت ههههههههههههه لكن ليبيات هنا امدايرات حاله في جياب هنا خخخخخخخخ

واي حاجه ادللي

ام منير
12-06-2010, 08:51 PM
السلام عليكم ورحمه الله
مبارك عليكم الدويره وان شاء الله عامره بالخير
اني من طرابلس الاصل واعيش في ابريطانيا من حوالي 7 سنوات تقريبا
وفي مدينه بولطن بتحديد
ان شاء الله نتلاقو بالخير والاستفاده يارب

ام منير
12-06-2010, 08:58 PM
اخواتي المغتربات ببريطانيا
عندي ولد خوي في مانشتر ويبي رب
قالي مالقيتة
ممكن تقولولي وين يلقاة
اني قلتة بالمحلات العربية مكتوب علية دبس التمر
فاذا ممكن تفيدوني



بريكه سمحه قوليله يلاقاه في محلات الكشنكيري متع البكستان
وبتحديد في منطقه اسمها شتمهل بيكون فازو صغير شويه
ومكتوب عليه تبس تمر
بصراحه انا مجنونه عصيده وجبت من البلاد كا ما ننزل
وبصراحه يكمل وهدا الرب مشاء الله
تقولي رب بلادنا خاثر وقنين والله
وصحيحتين عليه العصيده

سحابه صيف
12-06-2010, 09:34 PM
اهلين ام منير انستي وشرفتي بينا وشكرا علي الافادة

سحابه صيف
12-09-2010, 04:14 PM
ويييييييييييييييييييينكم

نور الهدى
12-11-2010, 01:23 AM
اهلا بالحبوبات اني ليبية ومقيمة في استراليا

سحابه صيف
12-11-2010, 01:34 AM
اهلا بالحبوبات اني ليبية ومقيمة في استراليا

اهلي انستيا
شني جوها استراليا عندك صغار ولا لا يلا عرفينا بيك لو مفيش مانع

طمطم
12-22-2010, 10:28 PM
ييييييييييييييييييييييييييييي ماشفتاش الموضوع إلا تو ....

وسحابة مهناش هاليومين.... خلي ندير روحي خاشة من زمان ونساوي وضعي قبل ما تجي
ههههههههههههههههههههه

أني ليبية ونسكن في نيوكاسل.... شهر تسعة الماضي كملت سنتين.... نحضر في الدكتوراة..... وعندي زوز صغار أكبرهم كيف دخلت الحضانة
يعني حاااااااااالة قريب ندير قرون

طمطم
12-22-2010, 10:36 PM
بريكة أكيد أكيد في مانشستر يلقاه الرب... لأن مانشستر معبية مسلمين ومحلات المسلمين ما شاء الله

وعلى كل حال هو اسمه بالانجليزي Dates syrup

دورتلك عليه في التسكو والآسدا لكن للأسف مالقيتش

بس في محلات المسلمين مية في المية موجود

نعومي نت
12-22-2010, 11:03 PM
ربي يحفظهملك ويخليك ليهم يا طمطم
معليشي سامحيني كل ما نقراء إسمك نضحك لانك إدكري فيا
برسوم الكرتون امتع زمان طمطم

نعومي نت
12-22-2010, 11:07 PM
ربي يعينكم علي الغربة

طمطم
12-22-2010, 11:48 PM
[فقط الأعضاء المسجلين يمكنهم رؤية الروابط] اقتباس [فقط الأعضاء المسجلين يمكنهم رؤية الروابط]
[فقط الأعضاء المسجلين يمكنهم رؤية الروابط] المشاركة الأصلية كتبت بواسطة نعومي نت
[فقط الأعضاء المسجلين يمكنهم رؤية الروابط]
[فقط الأعضاء المسجلين يمكنهم رؤية الروابط]



ربي يحفظهملك ويخليك ليهم يا طمطم
معليشي سامحيني كل ما نقراء إسمك نضحك لانك إدكري فيا
برسوم الكرتون امتع زمان طمطم
[فقط الأعضاء المسجلين يمكنهم رؤية الروابط]
[فقط الأعضاء المسجلين يمكنهم رؤية الروابط]
ويخليلك أحبابك

حشيشتي طمطم اتى حيو الفتى.... أني اسمي معقد شوية ومش معروف... وأغلب الناس ينطقو فيه غلط وهلبة يعلقو يقولولي طماطم لأن النطق قريب من اسمي.... ولما بيدلعوني ينادوني طمطم.... شفتي الدلع والا..... صقع عليك ههههههههههه
شوقتك لاسمي والا؟؟؟؟؟؟ دوري في العصر الجاهلي تلقيه

تسلمي على دعوتك يارب يهون علينا الغربة

طمطم
12-23-2010, 12:01 AM
بنات بريطانيا ما تنسوش تخفيضات نكست يوم 26 (البوكسنق دي) لكن راهو الفجر....
لذلك أني فكرت ناخد عالنت في الليل ووتيت قائمة باش مانقعدش حايسة بعدين....

ام اسر
12-23-2010, 01:27 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة طمطم[فقط الأعضاء المسجلين يمكنهم رؤية الروابط]بنات بريطانيا ما تنسوش تخفيضات نكست يوم 26 (البوكسنق دي) لكن راهو الفجر....
لذلك أني فكرت ناخد عالنت في الليل ووتيت قائمة باش مانقعدش حايسة بعدين....
[فقط الأعضاء المسجلين يمكنهم رؤية الروابط]
الله عليك دكرتيني بنكست وتخفيضات نكست
اتصدقي مره درناها بالجو ومشينا اني وصاحباتي جوووووووووو مش عادي والدنيا قدام المحل الفجر هههههههههههه والناس اتلم واحني زي الاطرش في الزفه لان اول سنه وبعدين معاش امشينا نمشو في نص النهار والي انلحقوه باهي لكن بضاعته حلوه ومميزه اني حوايج اسيل كلها من نكست والكل عاجبتهم

ام اسر
12-23-2010, 01:31 AM
نسيت انعرفكم
اني في ليبيا ومقيمه في طرابلس لكن كنت في بريطانيا 3سنين لغرض الدراسه
وربي يكتبلنا الدراسه امتاع الدكتوراه عن قريب مش حب في بريطانيا ولكن حبا في الدكتوراه ههههههه
وربي يوفق الجميع
وماشيا لبعض المدن منها كول شستر.ويلز (كاردف)ولندن .

طمطم
12-24-2010, 05:58 PM
أم أسيل
حتى اني وصاحباتي مشيناله الفجر شهر 4 اللي فات لكن كانت الدنيا نهار
لكن توا شتي وهو بيفتح الساعة 5 يعني قبل الفجر بساعة
ماعندي غير نشري عالنت
ياربيكتبلكم الدكتوراة مع اني خلااااااااااااااص اني كارهة حاجة اسمها قراية

احكيلنا عالمدن اللي ماشيتيلها

بندورو مكانات حلوة نمشولها من لما الدنيا تدفى... توا مش قادرين نطلعو بكل على خاطر الصغار والصقع الرهيب

سحابه صيف
12-25-2010, 12:03 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة طمطم[فقط الأعضاء المسجلين يمكنهم رؤية الروابط]بنات بريطانيا ما تنسوش تخفيضات نكست يوم 26 (البوكسنق دي) لكن راهو الفجر....
لذلك أني فكرت ناخد عالنت في الليل ووتيت قائمة باش مانقعدش حايسة بعدين....
[فقط الأعضاء المسجلين يمكنهم رؤية الروابط] مشكووووووووووورة يا حبوبة علي المعلومة وان اشاء الله الاخوات الي عندها معلومة اتساعد غيرها

سحابه صيف
12-25-2010, 12:04 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام اسر[فقط الأعضاء المسجلين يمكنهم رؤية الروابط]نسيت انعرفكم
اني في ليبيا ومقيمه في طرابلس لكن كنت في بريطانيا 3سنين لغرض الدراسه
وربي يكتبلنا الدراسه امتاع الدكتوراه عن قريب مش حب في بريطانيا ولكن حبا في الدكتوراه ههههههه
وربي يوفق الجميع
وماشيا لبعض المدن منها كول شستر.ويلز (كاردف)ولندن .
[فقط الأعضاء المسجلين يمكنهم رؤية الروابط]

ربي ايوفقكم وانشوفوكم جنبنا هنا و باعلي الشهادات

المستعينة بالله
12-27-2010, 01:21 AM
مرحبا ياسموحات


اول مرة نشوف الموضوع وحبيت انشارك معاكم

انا ليبية مقيمة بكندا من11 سنة

ترحبوا بيه والانطلع

سحابه صيف
12-28-2010, 02:22 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة المستعينة بالله[فقط الأعضاء المسجلين يمكنهم رؤية الروابط]مرحبا ياسموحات


اول مرة نشوف الموضوع وحبيت انشارك معاكم

انا ليبية مقيمة بكندا من11 سنة

ترحبوا بيه والانطلع
[فقط الأعضاء المسجلين يمكنهم رؤية الروابط]

يا ميت اهلين وسهلين بيك حبوبة بينا
واو 11 سنة هلبة يوخيتي هههههههههه والله منقدر انا هههههههه ربي ايعاونكم

ام عبود
12-28-2010, 02:47 PM
عزيزتى بريكه رب دبس التمر هو نفسو الرب بس بالشامى نقولو دبس

سحابه صيف
12-28-2010, 05:41 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام عبود[فقط الأعضاء المسجلين يمكنهم رؤية الروابط]عزيزتى بريكه رب دبس التمر هو نفسو الرب بس بالشامى نقولو دبس [فقط الأعضاء المسجلين يمكنهم رؤية الروابط]


اهلين ام عبود انستينا
ومشكورة علي افادة

ام بكر
01-04-2011, 02:15 AM
الموضوع والله اكتر من رائع
مع اني مش مغتربه وحاليا
علي قولت اختنا لاصقه في بالادي
والله نتمني نمشي خاصتاً لبريطانيا
او يالا الواحد مش مسافر صح ي سحابه
لكن يتبت وجوده حتي مع المسافرات ونشوفو كل وحده من وين
لسببين الاول والاهم قصقصه زي متعرفو معندناش الروح معاها
والتاني الواحد والله يستفيد من اي شي
توا سلام للحبوبات المغتربات كلهم وربي ارجعكم سالمين

أم رانيا
01-17-2011, 01:49 AM
أنا في أمريكا وبالتحديد في كولورادو وتوا جاية يلي تعرف حاجة تقول لي

ام ايهم
01-17-2011, 02:22 AM
موضوع شيق جدا المهم كنت نقرا في كل التعليقات من الاول الي اخر تعليق بنسبة لرب صح زي ماقلو تلقوه في محلات العرب البكستان بتحديد واسمه دتس سيروب ومرة لقيته مكتوب بالعرب روب التمر
نعرفكم وخيتكم مغتربة نفس الشئ بريطانيا تحديد مانشستر ليببيا رقم 2 وزايرا هلبه بلادن منه نيوكسل -ميلدزبرا- بروسكت- لفربول- برمنقهام -لندن -ويلز -شستر- ستوكتن -ويفرهمبتون- بولتن -ويقن -يورك- رد كار -شافيلد-دونكستر-بلاك بول ان شاء الله مش ناسية بلاد

ام ايهم
01-17-2011, 02:25 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة أم رانيا[فقط الأعضاء المسجلين يمكنهم رؤية الروابط]أنا في أمريكا وبالتحديد في كولورادو وتوا جاية يلي تعرف حاجة تقول لي [فقط الأعضاء المسجلين يمكنهم رؤية الروابط]السلام عليكم وخيتي انت في امريكا وقصدك تبي تجي لبريطانيا خليك غادي بالك احسن شن تبي فيها بلاد الغمة والضلام والضباب هههههههههههه

طمطم
01-17-2011, 08:06 PM
ماشاء الله أم أيهم زايرة هلبة مدن وجيتي عندنا لنيوكاسل..... بلادهم روعة للسياحة خاصة في الصيف

مانشستر خاطمة عليها بالقطار لما روحنا المرة اللي فاتت لليبيا... بس خاطري نزورها وندهور فيها تبان كبيرة هلبة

وين مشيتي في نيوكاسل؟

ام ايهم
01-17-2011, 08:51 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة طمطم[فقط الأعضاء المسجلين يمكنهم رؤية الروابط]ماشاء الله أم أيهم زايرة هلبة مدن وجيتي عندنا لنيوكاسل..... بلادهم روعة للسياحة خاصة في الصيف

مانشستر خاطمة عليها بالقطار لما روحنا المرة اللي فاتت لليبيا... بس خاطري نزورها وندهور فيها تبان كبيرة هلبة

وين مشيتي في نيوكاسل؟ كيف حالك وخيتي طمطم كويسة صح زي ماقولتي مانشستر كبيرة هلبه تعالي متندميش وتعالي تفضلي عندي ندهور بيك المهم اني مشيت لسنتر متعكم ومشت لمتيرو سنتر بس لكن حتي هي حلوا والله
[فقط الأعضاء المسجلين يمكنهم رؤية الروابط]

ام سما وسارة
01-27-2011, 04:58 PM
اهلين حبيباتي المغتربات

انا من بنغازي ليبيا ... ومقيمة حاليا في مدينة زيورخ في سويسرا

منذ حوالي 4 سنوات

عندي بنوتين توام والتالت في الطريق هههههههههه

انا ندرس حاليا في اللغة الالمانية ... لغة شينة ومعقدة .. ههههههههه

لكن الحمد نحكي انجليزي وبالتالي مش متضايقة من الامر واجد

بس شكلي بروحي من سويسرا الغلبية من بريطانيا

سحابه صيف
01-27-2011, 05:41 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام سما وسارة[فقط الأعضاء المسجلين يمكنهم رؤية الروابط]اهلين حبيباتي المغتربات

انا من بنغازي ليبيا ... ومقيمة حاليا في مدينة زيورخ في سويسرا

منذ حوالي 4 سنوات

عندي بنوتين توام والتالت في الطريق هههههههههه

انا ندرس حاليا في اللغة الالمانية ... لغة شينة ومعقدة .. ههههههههه

لكن الحمد نحكي انجليزي وبالتالي مش متضايقة من الامر واجد

بس شكلي بروحي من سويسرا الغلبية من بريطانيا
[فقط الأعضاء المسجلين يمكنهم رؤية الروابط]


اهلين حبوبه انستينا في لمتنا وانا شاء الله ربي ايوفقك في دراستك

ان شاء الله الاخوات الي في سويسرا يدخلو باش تتعرفو علي بعض وتفيدو بعض اكتر

وبما اننا كللنا مغتربات يعني نفس لشي نقدرو انفيدو بعض وتعرفينا اكتر علي سويسرا

n00nal00na
01-27-2011, 06:45 PM
سلام يا حبوبات٠ انا من لببيا طبعاااا بس عايشه في بلاد الكساد بللتحديد في glasgow حوالي 11 سنه جيت مع العايله بس بعدين لطشني عريس الغفله هههههه حاسه اني منحكي قصة حياتي علي مافادا. المهم باختصار ام لاثنين و ندرس في الجامعه سنه الاخيره ادعولي ننجح لاني مليييييييت ٠ نتمني اني ماطولتش عليكم. سلام

سحابه صيف
01-27-2011, 07:08 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة n00nal00na[فقط الأعضاء المسجلين يمكنهم رؤية الروابط]سلام يا حبوبات٠ انا من لببيا طبعاااا بس عايشه في بلاد الكساد بللتحديد في glasgow حوالي 11 سنه جيت مع العايله بس بعدين لطشني عريس الغفله هههههه حاسه اني منحكي قصة حياتي علي مافادا. المهم باختصار ام لاثنين و ندرس في الجامعه سنه الاخيره ادعولي ننجح لاني مليييييييت ٠ نتمني اني ماطولتش عليكم. سلام [فقط الأعضاء المسجلين يمكنهم رؤية الروابط]

اهلين بيك حبوبة انستينا

بلعكس قلاسقسو يشكرو فيها فيها ليبين هلبة وسنتر امتاعها كبير

n00nal00na
01-28-2011, 09:08 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة سحابه صيف[فقط الأعضاء المسجلين يمكنهم رؤية الروابط]

اهلين بيك حبوبة انستينا

بلعكس قلاسقسو يشكرو فيها فيها ليبين هلبة وسنتر امتاعها كبير
[فقط الأعضاء المسجلين يمكنهم رؤية الروابط]

مشكوره لترحيبك بيا سحابه٠

أشواق
02-06-2011, 08:36 PM
السلام عليكم ورحمة الله و بركاته

والله ماشاء الله منتدى رائع و نشيط و فيه رد سريع

خيتكم من بريطانيا وبالتحديد من مدينة لستر
أنا جديدة فى المدينة هذى ومازلت ما تعرفتش على حد يا ريت لو فيه وحدة من لستر اتقولى انتونسوا مع بعضنا وانديروا خليطة

من قبل كنت فى لندن (حبيبتى والله) و مرحبتين بيك أختى سحابة صيف و أى استفسار عن لندن حاضر

أختى طمطم كمل موسم التخفيضات فى نكست ولا مازال لأنى المدة اللى فاتت كنت فى ليبيا؟؟

فى انتظاركم

ام صهيب
02-06-2011, 09:23 PM
السلام عليكم

انا ليبية من طرابلس وحاليا فى بريطانيا فى مدينة نتنقهام

وليا سنتين زوجى يحضر ماستر
وعندى بنية ووليد

وان شاء الله نستفيد من بعض
وصحيتوا على التجمع الحلو

سحابه صيف
02-07-2011, 01:51 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة أشواق[فقط الأعضاء المسجلين يمكنهم رؤية الروابط]السلام عليكم ورحمة الله و بركاته

والله ماشاء الله منتدى رائع و نشيط و فيه رد سريع

خيتكم من بريطانيا وبالتحديد من مدينة لستر
أنا جديدة فى المدينة هذى ومازلت ما تعرفتش على حد يا ريت لو فيه وحدة من لستر اتقولى انتونسوا مع بعضنا وانديروا خليطة

من قبل كنت فى لندن (حبيبتى والله) و مرحبتين بيك أختى سحابة صيف و أى استفسار عن لندن حاضر

أختى طمطم كمل موسم التخفيضات فى نكست ولا مازال لأنى المدة اللى فاتت كنت فى ليبيا؟؟

فى انتظاركم
[فقط الأعضاء المسجلين يمكنهم رؤية الروابط]


اهلين حبوبة انستينا في تجمعنا

انا في لندن وا سوال ادلليلي

بالنسبة لنكست ادير من فترة لفترة تخفيض بس التخفيض القوي في الكرسمس

انت ديما خشي علي موقعه تعرفي امتي فيه تخفيض والا لا هكي امدايرة انا ههههههه

سحابه صيف
02-07-2011, 01:52 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام صهيب[فقط الأعضاء المسجلين يمكنهم رؤية الروابط]السلام عليكم

انا ليبية من طرابلس وحاليا فى بريطانيا فى مدينة نتنقهام

وليا سنتين زوجى يحضر ماستر
وعندى بنية ووليد

وان شاء الله نستفيد من بعض
وصحيتوا على التجمع الحلو
[فقط الأعضاء المسجلين يمكنهم رؤية الروابط]



اهلين بيك انستينا حبوبه

وربي يحفظلك صغيويرتك

ويوفق زوجك

واي خدمة اتفضلي حبوبه

ام صهيب
02-07-2011, 01:55 AM
اهلين سحابة انت وين بالضبط

نهاوند
02-14-2011, 03:48 PM
انى ليبية وحاليا فى بريطانيا مع زوجى دراسة بس حنين الوطن بروحه مهما كانت طبيعة وجو حلو بصراحة بلادك بلادك وربى يجمعنا على الخير ان شاء الله
:)

ام الحلوين
02-14-2011, 08:50 PM
نهاوند مرحبتين بيك بينا انا من الجبل الغربى نسكن فى امريكا زوجى يدرس تحديدا فى ميتشغن ام لبنتين ولد مش العضوة اللى معانا انى عندى 2 بنت 1ولد هههههههه

دلع
02-14-2011, 10:01 PM
السلام عليكم ورحمة الله وبركاته
أنا ام غلا بموت في شي إسموا غلا
من اصل لبناني وتحديداً من منطقة بعلبك بس ما بعرفا
مقيمة بالإمارات وتحديداً إمارة دبي من 12 تعرفت ع زوجي يخليلي ياه
وتزوجنا وهسع بنشتغل مع بعض عاملن هيكا مكتب هندسي صغير ع قدنا
كتير كتير أسفة ع الإطالة
بس زورزنا بالإمارات كتير حلوة بس مو بالصيفية شوب كثير
سلاااااااااااااااااااااااااااااااااااااااااااااام

سحابه صيف
02-15-2011, 12:16 AM
ام صهيب

ام الحلوين

نهاوند

دلع

انستونا حبوبات

ام صهيب انا في لندن

ام رواسي
02-15-2011, 02:58 AM
السلام عليكم
كيف حالكم ياعويلة
انى ام رواسى ومغتربة فى بريطانيا تقبلونى معاكم فى دويرة المغتربات والحنين الى ارض الوطن

ام الحلوين
02-15-2011, 07:09 AM
ام رواسى انتى الاصل حبيبة تاريه منتدانا كله انجليز قصدى كلكم من بريطانيا
دلع لك تقبرى قلبى شو بحب الحبابات اللى بيحبونا ربى يعاونكموربى يحفظلك غلا ومشكورة عالدعوة كلك دوق وانتى كمان تعى زورينا بليبيا

ام رواسي
02-16-2011, 04:15 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام الحلوين[فقط الأعضاء المسجلين يمكنهم رؤية الروابط]ام رواسى انتى الاصل حبيبة تاريه منتدانا كله انجليز قصدى كلكم من بريطانيا
دلع لك تقبرى قلبى شو بحب الحبابات اللى بيحبونا ربى يعاونكموربى يحفظلك غلا ومشكورة عالدعوة كلك دوق وانتى كمان تعى زورينا بليبيا
[فقط الأعضاء المسجلين يمكنهم رؤية الروابط]

مشكورة يا ام الحلوين على ردك الحلو وانتى يللى كلك دوق يا عسل

ام رواسي
02-16-2011, 04:19 AM
يابنات انى مسافرة لبلدى الغالى والى ناسى واحبابى فى زيارة
بالله عليكم دعواتكم

سحابه صيف
02-16-2011, 08:49 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام رواسي[فقط الأعضاء المسجلين يمكنهم رؤية الروابط]يابنات انى مسافرة لبلدى الغالى والى ناسى واحبابى فى زيارة
بالله عليكم دعواتكم
[فقط الأعضاء المسجلين يمكنهم رؤية الروابط]




ان اشاء الله تمشي وتجي بسلامه يا رببببببببببببببببببببببببببببببببببببببب

وتولينا ترقصي هنا

Moony heart
02-24-2011, 04:59 AM
كيف حالكم يا بنات المنتدي امكسد اليومين ربي ايرجع البنات لي المنتدي ويرجع امنور

رائفة العين
02-24-2011, 06:26 PM
هاي
انا خمسيه وعائشه باامريكا وتحديدا في ولايه بنسلفينيا
منورين

عروس البحر
09-13-2011, 12:47 PM
أنا من طرابلس كنت في ماليزيا راجلي قراية وتوا في دبي عمل لكن الحنين والشوق لليبيا وطرابلس وشارعنا وحوشنا وعيلتنا فرد فرد خصوصا بعد التحرير قلبي معاهم ربي يجمعنا على خير ..وأي سؤال عن دبي أو ماليزيا تفضلو

Moony heart
09-17-2011, 03:02 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة عروس البحر[فقط الأعضاء المسجلين يمكنهم رؤية الروابط]أنا من طرابلس كنت في ماليزيا راجلي قراية وتوا في دبي عمل لكن الحنين والشوق لليبيا وطرابلس وشارعنا وحوشنا وعيلتنا فرد فرد خصوصا بعد التحرير قلبي معاهم ربي يجمعنا على خير ..وأي سؤال عن دبي أو ماليزيا تفضلو [فقط الأعضاء المسجلين يمكنهم رؤية الروابط]
ربي ايرجعك لي اهلك سالمة
حق دبي حلوة نفسي نمشيلها ولا مره

عروس البحر
09-17-2011, 11:34 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة Moony heart[فقط الأعضاء المسجلين يمكنهم رؤية الروابط]
ربي ايرجعك لي اهلك سالمة
حق دبي حلوة نفسي نمشيلها ولا مره
[فقط الأعضاء المسجلين يمكنهم رؤية الروابط]دبي حلوة ومنظمة ياموني لكن النو والرطوبة منحكيلكش

أم يمنى
09-20-2011, 11:35 AM
انى أم يمنى ليبية من طرابلس , دارسة الماجستير ,وتوا مقيمة فى الامارات أبوظبى عندى ولدين وبنت ونربى فى صغار راجلى ولدين (ربى يرحم أمهم ان شاء الله ويسكنها فسيح جناته ) وزوجى يشتغل هنايا ,
ولكن انى زعلانة من يوم سجلت ماجانى ترحيب الامن زنوبة وسحوبة ربى يحفظهم , ورسالة لطمطم نقوللها حليت لغز اسمك ((تماضر )) قولليلى صح والا لا .

بدر الزمان
09-21-2011, 10:00 PM
السلام عليكم
كيف حالكم اخواتي انشالله بخير والله انا لااعرف كيف ممكن اشارك معكن اريد ارسال وصفات والا اعرف كيف اعمل بالله افدوني

بدر الزمان
09-21-2011, 10:04 PM
اولا كيف حالك اختي وصحة ليدك انتي في دبي نبي نسالك علي الدكتور امتع الاسنان اسمه مجد مشهور يجبوا فية في برنامج جويل هل سعره كويس اوغالي هلبة افيدني بالله عليك انا من طرايلس

عروس البحر
09-21-2011, 10:39 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة بدر الزمان[فقط الأعضاء المسجلين يمكنهم رؤية الروابط]اولا كيف حالك اختي وصحة ليدك انتي في دبي نبي نسالك علي الدكتور امتع الاسنان اسمه مجد مشهور يجبوا فية في برنامج جويل هل سعره كويس اوغالي هلبة افيدني بالله عليك انا من طرايلس [فقط الأعضاء المسجلين يمكنهم رؤية الروابط]الله يسلمك ياحبيبة الحمد لله..بالنسبة لجويل والعيادة متاعها اسعارها خيالية فوق الوصف

omhammam78
09-22-2011, 12:37 AM
أم سما و سارة عندك الحق اللغة الالمانية ركيكة ودمها رزين أني أيضا نقرأ في اللغة الالمانية لاني في المانيا

نسيبة
10-11-2011, 09:15 PM
حماكن الرحمن اخواتي الغاليات الغربة صعبة جدا
كم انا مشتاقة اليك حبيبتي ليبيا و هي قد نفظت عنك فترة من الظلم و الاستبداد
كم أعشق شوراعك مديني طرابلس و ازقة حورايك و نسائم بحرك
وكم يجتاحني الحنين اليك اليوم

لك في القلب مساحة من الحب يا ارض المختار و ارض الابطال
اصالة و تاريخ و همم تعانق السماء

ام بيلسان
10-11-2011, 10:45 PM
انا لييية
وحاليا في امريكيا

نحلة
10-11-2011, 10:52 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة نسيبة[فقط الأعضاء المسجلين يمكنهم رؤية الروابط]حماكن الرحمن اخواتي الغاليات الغربة صعبة جدا
كم انا مشتاقة اليك حبيبتي ليبيا و هي قد نفظت عنك فترة من الظلم و الاستبداد
كم أعشق شوراعك مديني طرابلس و ازقة حورايك و نسائم بحرك
وكم يجتاحني الحنين اليك اليوم

لك في القلب مساحة من الحب يا ارض المختار و ارض الابطال
اصالة و تاريخ و همم تعانق السماء
[فقط الأعضاء المسجلين يمكنهم رؤية الروابط]

و حماك الله انتي و أخواتنا المغتربات في كل مكان ، أنتن سفريات ليبيا إلى كل بلد في العالم ، تفتخر ليبيا بكن كما تفتخر كل بلد انتن فيها بانكن من بلد المختار و بلد الأبطال بلد شهداء 17 فبراير ،

قريباً سنلتقي على أرض ليبيا و أبعث لكن مع نسائم الحرية أحر القبلات ..

تحياتي و محبتي

ام منير@
10-11-2011, 10:53 PM
اني ساكنه في الاردن من سكان مصراته يمكن ترحبو بيه

ام منير@
10-11-2011, 10:54 PM
في حد سكان في الاردن من ليبيا

نسيبة
10-12-2011, 10:06 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة نحلة[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة نسيبة[فقط الأعضاء المسجلين يمكنهم رؤية الروابط]حماكن الرحمن اخواتي الغاليات الغربة صعبة جدا
كم انا مشتاقة اليك حبيبتي ليبيا و هي قد نفظت عنك فترة من الظلم و الاستبداد
كم أعشق شوراعك مديني طرابلس و ازقة حورايك و نسائم بحرك
وكم يجتاحني الحنين اليك اليوم

لك في القلب مساحة من الحب يا ارض المختار و ارض الابطال
اصالة و تاريخ و همم تعانق السماء
[فقط الأعضاء المسجلين يمكنهم رؤية الروابط]

و حماك الله انتي و أخواتنا المغتربات في كل مكان ، أنتن سفريات ليبيا إلى كل بلد في العالم ، تفتخر ليبيا بكن كما تفتخر كل بلد انتن فيها بانكن من بلد المختار و بلد الأبطال بلد شهداء 17 فبراير ،

قريباً سنلتقي على أرض ليبيا و أبعث لكن مع نسائم الحرية أحر القبلات ..

تحياتي و محبتي
[فقط الأعضاء المسجلين يمكنهم رؤية الروابط]
الغالية نحولة كما عهدت سباقة الى كل الخيران شاء الله سنلتقى على ارض الاباء و الشهامة ارض الجود
و الخير الارض التى سطر ابناؤها ملاحم البطولة على مر العصور
كما انا فخورة بكوني ليبية بلادي ايتها الشمس التي تشع على الجميع بالدفء و الخيرات
نحولة دائما في البال و الخاطر
سلامي اليك و الى الغالية ام زكريا

masarah
05-22-2012, 11:37 PM
انـــــــــــي ليبيـــــــــــه وعايشــــــه في بريـــــــــــــطانيا في مانشتسر وخــــــــــــــاطري في العصــــــــــبان :( باللهي اللي عايشه في مانشستر وتعرف وين يبيعو في المصارين تقولي :o

zakeya
06-01-2012, 03:26 PM
السلام عليكم
الموضوع حلو ومفيد ان شاءالله
انا من مصراتة وحاليا مقيمة في المانيا انتقلت بين عدة مدن بس حاليا في إسن (essen) المانيا حلوى بس بلادي بلادي والله مازيها بلاد

ام رواسي
06-04-2012, 01:14 AM
انـــــــــــي ليبيـــــــــــه وعايشــــــه في بريـــــــــــــطانيا في مانشتسر وخــــــــــــــاطري في العصــــــــــبان :( باللهي اللي عايشه في مانشستر وتعرف وين يبيعو في المصارين تقولي :o

اهلين اختى masarah بنسبة للمصارين موجودات عند الباكستان يللى يبعو فى اللحم